FARAFANGANA : NARENINA TAMIN’NY ALALAN’NY TAGNAMARO NY IVO-TOERANA MISY NY TVM SY NY RNM
Tafaverina amin’ny endriny vaovao ny foiben-toeran’ny RNM sy TVM ao Farafangana, faritra Atsimo Atsinanana, vokatry ny « TAGNAMARO MANOKANA – FANARENANA » izay ataon’ny Minisiteran’ny Serasera sy ny Kolontsaina taoriann’ny rivodoza Batsirai sy Emnati farany teo.
Ny « TAGNAMARO MANOKANA- FANARENANA » dia fiaraha-mientan’ny olompirenena araka ny toro-mariky ny Filohan’ny Repoblika Andriamatoa Andry RAJOELINA, entina hanarenana ny fahasimbana sy ny fahavoazana noho ny rivodoza.
Nasiam-panatsarana ihany koa ireo varavaran-kely sy varavaram-be. Naverina natsangana koa ny fefy manodidina. Nandray anjara tamin’ity hetsika ity ireo tompon’andraiki-panjakana ao Farafangana notarihin’ny Governoran’ny faritra Atsimo Atsinanana, ireo mpilatsaka an-tsitrapo fa indrindra ireo fokonolona tao an-toerana.
Tapak’andro monja dia nahavitana ny fanarenana noho ny fahavitrihan’ny olom-pirenena niara-nientana nanao ny Tagnamaro.