MIRAY FO AMIN’ I MIKA KELY SY LALIE NY MINISTERAN’ NY SERASERA SY NY KOLONTSAINA
Araka ny efa fantantsika dia, mandalo tsy fahasalamana ny mpanakanto MIKA KELY (Mpitendry) sy i LALIE (mpihira).
Efa nandalo fandidiana i Mika Kely ary mbola mitohy ny fitsaboana azy eny amin’ny hopitaly HJRA amin’izao fotoana izao.
Eny amin’ny hopitaly Befelatanana kosa no tsaboina amin’ny aretina mahazo azy i Lalie.
Nandefa ireo mpiara-miasa aminy Andriamatoa Minisitra Augustin Andriamananoro ny Zoma 2 Febroary namangy azy ireo avy no sady naneho firaisankina tamin’izay ireo.